काठमाडौं । रुसी सेनामा भर्ती भई गोली लागेका एक युवक शुक्रबार नेपाल आइपुगेका छन् । यात्रामा स्वास्थ्य समस्या देखिएपछि उनलाई त्रिभुवन अन्तर्राष्ट्रिय विमानस्थलबाट सिधैँ अस्पताल ल्याइएको टिचिङ अस्पताल स्रोतले बताएको छ । 

रुस–युक्रेन युद्धमा खटिएका कैलालीका २४ वर्षीय युवकको बायाँ हात र दायाँ खुट्टामा गोली लागेको थियो । रुसकै अस्पतालमा गोली निकालिएका उनको घाउ निको भइसकेको छ । तर, यात्राका क्रममा स्वास्थ्य समस्या देखिएपछि अस्पताल ल्याइएको अस्पतालका एक अधिकारीले बताए । 

नेपाली दूतावासको पहलमा नेपाल आएका उनको स्वास्थ्य अवस्था सामान्य रहेको पनि ती अधिकारीले बताए । युवक दलालमार्फत् गत मंसिर ४ गते रुसतर्फ गएको खुलेको छ ।