काठमाडौं । आईसीसी यू–१९ विश्वकपमा पाकिस्तानविरुद्ध ब्याटिङ गरिरहेको नेपालले पाँचौँ विकेटको रूपमा विपीन रावललाई गुमाएको छ ।

दक्षिण अफ्रिकाको इस्ट लन्डनस्थित बफेलो पार्कमा जारी खेलको २६.४ ओभरमा विपीनलाई व्यक्रिगत ३९ रनमा गुमाएको हो । ओपनर विपीनले ६८ बलमा चार चौका र एक छक्का प्रहार गरे । 

जारी खेलको २७ ओभर समाप्त हुँदा नेपालले पाँच विकेट गुमाएर ९६ रन बनाएको छ । हाल क्रिजमा गुल्सनकुमार झा र दीपक डुम्रे क्रमशः चार र शून्य रनमा खेलिरहेका छन् । 

प्रतियोगितामा दुवै टिमको यो दोस्रो खेल हो । यसअघि पहिलो खेलमा नेपालले न्युजिल्यान्डसँग ६४ रनको हार व्यहोर्दा पाकिस्तानले अफगानिस्तानलाई १८१ रनले हराएको थियो ।