काठमाडौं । सेना दिवसका अवसरमा नेपाली सेनाले फोटो तथा युनिट विशेष प्रदर्शन आयोजना गरेको छ । नेपाली सेनासम्बन्धी विगतदेखि वर्तमानसम्मका गतिविधिहरू झल्कने फोटोहरू प्रदर्शनमा राखिएको छ । 

माघ १३ गतेसम्म चल्ने फोटो प्रदर्शनीमा हातहतियार र उपकरणहरू राखिएको छ । साथै, सैनिक पोसाक, सैनिक व्याण्ड, सैनिक हवाइ सेवा, घोडचढी, जंगल तथा पहाडी युद्धकला, विशेष फौज लगायतका गतिविधिका सामग्रीहरू राखिएको छ ।

राष्ट्रिय निकुञ्ज तथा वन्यजन्तु आरक्ष, शान्ति सेना, विकास निर्माण, विपद् व्यवस्थापन, खेलकुदका साथै सैनिक विद्यालयहरू लगायतको विविध गतिविधि र श्रव्यदृश्य सामग्रीहरू प्रदर्शनमा राखिएको सेनाले जनाएको छ ।

तस्बिरहरू : रासस /नेपाली सेना