पाँचौँ विकेटको रूपमा आउट भए गुल्सन, नेपालको १०० रन पूरा

खेल

आईसीसी यू–१९ विश्वकप

पाँचौँ विकेटको रूपमा आउट भए गुल्सन, नेपालको १०० रन पूरा

आइतबार, माघ ७, २०८०

पाँचौँ विकेटको रूपमा आउट भए गुल्सन, नेपालको १०० रन पूरा — फाइल तस्बिर।

काठमाडौं । आईसीसी यू–१९ विश्वकपमा न्युजिल्यान्डविरुद्ध ब्याटिङ गरिरहेको नेपालले १०० रन पूरा गरेसँगै अलराउन्डर गुल्सन झालाई पाँचौँ विकेटको रुपमा गुमाएको छ ।

दक्षिण अफ्रिकाको इस्ट लन्डनस्थित बफेलो पार्कमा जारी खेलमा न्युजिल्यान्डले दिएको ३०३ रनको लक्ष्य पछ्याइहरेको नेपाल २०औँ ओभरको समाप्तिमा १०० रन पूरा गरेको हो । २१औँ ओभरको पहिलो बल वाइड र चौका भएपछि नेपालले पाँच रन जोड्दै १०० रन पूरा गरेको थियो । तर, त्यसलगत्तै दोस्रो बलमा गुल्सन पभेलियन फर्किए ।

हाल क्रिजमा अर्जुन कुमाल र दीपक बोहरा छन् । त्यसअघि टस जितेर ब्याटिङमा आएको न्युजिल्यान्डले निर्धारित ५० ओभरमा आठ विकेट गुमाएर ३०२ रनको योगफल खडा गरेको थियो ।