काठमाडौं । नेपालमा सामसङको ग्यालेक्सी एस२४ सिरिजको प्रि–अर्डर खुला भएको छ । बुधबार मात्रै विश्व बजारमा सार्वजनिक भएको ग्यालेक्सी एस२४ को प्रि–अर्डर नेपालमा आजबाट खुला भएको हो ।

सामसङ नेपालले शुक्रबार ग्यालेक्सी एस२४ अल्ट्रा, ग्यालेक्सी एस२४ प्लस र ग्यलेसी एस२४ को प्रि–अर्डर खुलेको घोषणा गरेको हो ।

ग्यालेक्सी एस२४ आर्टिफिसियल इन्टेलिजेन्स(एआई) सम्मिलित पहिलो फोन भएको कम्पनीले जनाएको छ । यसमा रहेको एआई फिचरले लाइभ कल अडियोमा र म्यासेज अनुवाद गर्नेदेखि विभिन्न सुविधा उपलब्ध गराएको छ ।

ग्यालेक्सीको प्रोभिजुअल इन्जिनले फोनमा सिर्जनात्मक स्वतन्त्रता र कुनै पनि जिज्ञासालाई सर्च गरेर तत्काल पत्ता लगाउनसक्ने नयाँ विशेष सुविधा उपलब्ध गराएको छ ।

नेपालमा प्रि–अर्डर खुला गर्दै सामसङ नेपालका निर्देशक प्रणयरत्न स्थापितले भने, “ग्यालेक्सी एस२४ले संसारसँगको हाम्रो सम्बन्धलाई परिवर्तन गर्छ ।  मोबाइलको आविष्कारको आउँदो दशक कस्तो हुनेछ भन्ने संकेत गर्छ ।”

ग्यालेक्सी एआई हाम्रो नवप्रवर्तन सम्पदा र मानिसले आफ्नो फोन कसरी प्रयोग गर्छन् भन्ने बुझाइबाट  निर्माण गरिएको बताए । “हामी विश्वभरका हाम्रा प्रयोगकर्ताहरूले कसरी नयाँ सम्भावनाहरू खोल्न ग्यालेक्सी एआईमार्फत आफ्नो दैनिक जीवनलाई सशक्त बनाउँछन् भनेर हेर्न उत्साहित छौं,” उनले भने । 

यसरी गर्न सकिन्छ प्रि–अर्डर
ग्यालेक्सी एस२४ सिरिजका फोन प्रि–बुक गर्न यो वेबसाइटमा जान सकिन्छ । https://samsung-np.com/NP-S24-Preorder/ । यसबाहेक आफ्नो नजिकैको सामसङ फोन स्टोरमा गएर पनि फोन प्रि–अर्डर गर्न सकिने कम्पनीले जनाएको छ ।

यस्तो छ मूल्यः
 

यस्ता छन् अफरः

प्रि–अर्डर अफर माघ २३ सम्म वा स्टक रहँदासम्म मान्य रहने कम्पनीले जनाएको छ ।

यसबाहेक प्रि–अर्डर गर्ने पहिलो ५०० ग्राहकले एनसेल प्रिमियम नम्बरमा प्रतिदिन ७० मिनेट अल नेट भ्वाइस + ७०० एमबी + ७० एसएमएस ६ महिनाका लागि तीन हजार ५०० रुपैयाँ निःशुल्क प्राप्त गर्नसक्ने कम्पनीले जनाएको छ ।

देशभरका आधिकारिक सामसङ स्टोरहरूमा उपलब्ध सामसङ इनस्टा फाइनान्स सेवाको साथमा यो नयाँ फोनलाई शून्य प्रतिशत ब्याज दरमा सजिलो ईएमआई गर्न सकिने कम्पनीले जनाएको छ ।

यस्तो छ फोन 

ग्यालेक्सी एस२४ अल्ट्रामा आइफोन १५ प्रोझैँ टाइटेनियमको फ्रेम छ । यसको तौल एस२३ अल्ट्राजत्तिकै २३२ ग्राम छ । अल्ट्रामा ६.८ इन्च र १,४४० पिक्सेलको डिस्प्ले छ ।

फोनमा १० मेगापिक्सेलमा १० गुणा जुम र ५० मेगापिक्सेलका निम्ति पाँच गुणा जुमको क्यामेरा छ ।

चार क्यामेरामा २०० मेगापिक्सेलको मुख्य, १० मेगापिक्सेलको टेलिफोटो र १२ मेगापिक्सेलको अल्ट्रावाइड क्यामेरा पछाडि छ । अगाडि १२ मेगापिक्सेलको सेल्फी क्यामेरा छ ।

फोनमा फोटो र भिडियो इडिटिङका निम्ति केही टुल छन् । फोनमा क्लाउडमा आधारित थुप्रै एआई सुविधा समेटिएको छ । कम्पनीले गुगलको जेमिनी फोनमा जोडेको छ ।

फोनमा जेनेरेटिभ एआईबाट सञ्चालित फोटो र भिडियो इडिट गर्न सकिने उपकरण छन् । एआईको यूआईमा गुगल बार्डको आइकन छ ।

फोनमा लाइभ कललाई विभिन्न १३ भाषामा अनुवाद गर्न सक्ने दोभासेको एआई फिचर छ । फोनमा कुराकानी (टेक्स्ट)लाई अर्काे भाषामा अनुवाद गर्न सकिने एआई फिचर पनि छ ।

सामसङको भ्वाइस रेकर्डरमा क्बकगलन ट्रान्सक्रिप्सनलाई अर्को भाषामा अनुवाद गर्ने क्षमता छ । नोट्स एपले पनि केही उपयोगी फिचर समेटेको छ ।

अल्ट्रामा स्न्यापड्र्यागन ८ जेनेरेसन ३ चिपसेट छ । एस२४ प्लस र एस२४ मा यो चिपसेट अमेरिकामा मात्र उपलब्ध हुनेछ । अन्यत्र बिक्री हुने एस२४ प्लस र एस२४ फोनमा एक्जाइनोस चिपसेट हुनेछ ।

• ग्यालेक्सी एस२४ सार्वजनिक : यस्तो छ ठूलो, एआई सम्मिलित फोन