काठमाडौं । साना किसान विकास लघुवित्त वित्तीय संस्था लिमिटेडले १५ प्रतिशत लाभांश वितरण गर्ने प्रस्ताव पारित गरिएको छ । आइतबार सम्पन्न संस्थाको २२औँ वार्षिक साधारणसभाले आर्थिक वर्ष २०७९/८० सम्मको मुनाफाबाट हाल कायम चुक्ता पुँजीको १४.२५ प्रतिशत बोनस सेयर र कर प्रयोजनका निम्ति ०.७५ प्रतिशत लाभांश वितरण गर्ने प्रस्ताव पारित हो ।

कम्पनीको चुक्ता पुँजी तीन अर्ब ३३ करोड १६ लाख रुपैयाँ छ । साना किसानले देशका ७७ जिल्लाका ५४६ स्थानीय तहमा सञ्जाल विस्तार गरी एक हजार ६३६ साझेदार संस्थामार्फत १० लाख २९ हजार ८७५ परिवारमा वित्तीय सेवा पुर्‍याएको कम्पनीले जनाएको छ ।

आबद्ध सहकारी संस्थाहरूले ६ करोड ५८ लाख ७६ हजार ५८५ रुपैयाँबराबरको आन्तरिक पुँजी निर्माण गरी परिचालन गरेका छन् ।