काठमाडौं । प्रतिनिधिसभाअन्तर्गतको उद्योग, वाणिज्य र श्रम तथा उपभोक्ता हित समितिको बैठक १५ मिनेटका निम्ति स्थगित गरिएको छ । कोरम नपुग्दा बस्दै नबसी बैठक स्थगित गरिएको हो ।

दिउँसो १ बजे सिंहदरबारस्थित सो समितिकै सभाकक्षमा बस्ने गरी बैठक बोलाइएको थियो । बैठकमा श्रम, रोजगार तथा सामाजिक सुरक्षामन्त्रीसँग छलफल गर्ने कार्यसूची छ ।

छलफलका निम्ति मन्त्री शरतसिंह भण्डारी सभाकक्षमा पुगिसकेका छन् । बैठक सुरु गर्न सांसदको गणपूरक संख्या नपुगेको हो ।

बैठक सञ्चालन गर्न कम्तीमा १३ सदस्य संख्या आवश्यक हुन्छ । तर, १० सांसद मात्र उपस्थित भएकाले बैठक १५ मिनेटका निम्ति स्थगित गरिएको समितिका सभापति अब्दुल खानले जानकारी दिए ।