काठमाडौं । सत्तारूढ दल नेपाली कांग्रेसका नेताहरू केन्द्रीय कार्यसम्पादन समिति बैठक सारेर आन्तरिक छलफलमा जुटेका छन् । 

गठबन्धनको बैठक सकाएर नेताहरू सभापति शेरबहादुर देउवा धुम्बाराहीमा बैठक बसिरहेका छन् । राष्ट्रियसभा निर्वाचनका लागि उमेदवार चयनको विषयमा बैठक बोलाइएको हो । बैठक शनिबारका लागि बोलाइएको थियो । तर, शनिबार पनि सारेर बैठक आइतबारका लागि बोलाइएको हो । आइतबार १ बजे बस्ने भनिएको बैठक सारेर नेताहरूले ४ बजे पुराएका छन् । 

हाल सभापति देउवा निवासमा इतर समूहका नेता शेखर कोइराला, महामन्त्री गगनकुमार थापा, प्रमुख सचेतक रमेश लेखक, उपसभापति पूर्णबहादुर खड्का लगायत बैठक बसिरहेका छन् । 

“अहिले नेताहरू अनौपचारिक बैठकमा हुनुहुन्छ । त्यसैले बैठक सरेर दिउँसो ४ बजे पुगेको हो,” प्रचार विभाग प्रमुख मीन विश्वकर्माले भने । 

गठबन्धनमा कांग्रेसले १० सिट गठबन्धनबाट पाएको छ । उक्त १० सिटमा देउवाले कम्तीमा ६ सिट आफूसँग राख्ने नेताहरूसँग बताइसकेका छन् । इतर समूहको माग ४ सिटको रहेको छ ।