site stats
बाह्रखरी :: Baahrakhari
खेल
Global Ime bankGlobal Ime bank
लिग लिडर इन्टरलाई चार अंकको अग्रता

काठमाडौं । इटालियन सिरी ‘ए’ को लिग लिडर इन्टर मिलानले शीर्ष स्थानमा चार अंकको अग्रता बनाएको छ । शनिबार राति भएको खेलमा लिसलाई २–० ले हराउँदै इन्टरले दोस्रो स्थानको युभेन्ट्ससँग चार अंकको अग्रता बनाएको हो ।

घरेलु मैदानमा सान सिरोमा इन्टरलाई जित दिलाउन यान बिसेक र निकोलो बेरेलाले गोल गरे ।

यान बिसेकले ४३औँ मिनेटमा गोल गर्दै घरेलु टिमलाई अग्रतामा राखेका थिए । यस्तै, ७८औँ मिनेटमा निकोलो बेरेलाले गोल गर्दै अग्रता दोब्बर बनाए । खेलको ८४औँ मिनेटमा लामेक बान्डाले रातो कार्डको दर्शन गरेपछि लिस १० खेलाडीमा सीमित भएको थियो ।

शनिबार राति नै भएको खेलमा नौ खेलाडीमा सीमित नापोलीले रोमासँग २–० को हार बेहोरेको छ । तनावपूर्ण बनेको खेलमा दुई रातो र १२ पहेँलो कार्ड देखाइएको थियो ।

रोमाको जितमा लोरेन्जो पेलेग्रिनी र रोमेलु लुकाकुले गोल गरे । दोस्रो हाफमै दुई गोल निस्कदा दुई रातो कार्ड पनि प्रयोग भएको थियो ।

नापोलीका माटेओ पोलिटानो र भिक्टोर ओसिम्हेनले रातो कार्डको सामना गरे । सिरी ‘ए’ अन्तर्गत कै अर्को खेलमा दोस्रो स्थानको युभेन्ट्सले फ्रोसिनोनलाई २–१ ले हराएको छ ।

जितसँगै १७ खेलबाट ४४ अंक जोडेको इन्टर शीर्ष स्थानमा छ । समान खेलबाट ४० अंकको युभेन्ट्स दोस्रो र ३३ अंकको एसी मिलान तेस्रो स्थानमा छन् ।

प्रकाशित मिति: आइतबार, पुस ८, २०८०  १०:११
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro