काठमाडौं । संघीय संसद्का कार्यवाहक महासचिव पद्मप्रसाद पाण्डेयको नागरिकतामा देखिएको गडबडीका सम्बन्धमा प्रतिनिधिसभाको राज्य व्यवस्था समितिले चासो प्रकट गरेको छ ।
संसद्का कार्यवाहक महासचिव पाण्डेयको नागरिकतामा ‘गडबडी’
समितिका सभापति रामहरि खतिवडाले गृह मन्त्रालयमा यस सम्बन्धमा चासो व्यक्त गर्दै सत्य तथ्य विवरण उपलब्ध गराइदिन भनेका छन् ।
“संघीय संसद्का कार्यवाहक महासचिव पद्मप्रसाद पाण्डेयको नागरिकताका सम्बन्धमा सञ्चारमाध्यममा आएका विषय के हुन् भनेर मैले गृह मन्त्रालयको धारणा माग गरेको छु,” समितिका सभापति खतिवडाले भने, “हामीले जानकारी पाउनुपर्यो । गृहलाई सोध्ने काम भएको छ । त्यसपछि छानबिन गर्नुपर्ने अवस्था आएमा अघि बढ्नुपर्छ ।”
पाण्डेयले २०६६ सालमा छ वर्ष उमेर घटाएर नागरिकता लिएको र १० वर्षपछि पुनः पुरानै नागरिकता कायम गरेको बाह्रखरीले समाचार सार्वजनिक गरेको थियो ।
“संसद् जस्तो ठाउँमा यस्तो भयो भने संसदीय व्यवस्थामाथि प्रश्न थप बढ्छ,” समिति सभापति खतिवडाले भने ।
-1749010126.jpg)
