काठमाडौं । बर्दिया प्रहरीले अवैध सुनसहित दुई जनालाई नियन्त्रणमा लिएको छ । प्रहरीले उनीहरूलाई ३४७ ग्राम (झन्डै ३० तोला) सुनका गरगहनासहित नियन्त्रणमा लिएको हो ।

प्रहरीले नेपालगन्जस्थित राँझाका २९ वर्षीय मोहन बि‍क स्रोत नखुलेका सुनका गरगहनासहित प्र.३–०१–०२३८१६८ नम्बरको गाडीमा सवार रहेको विशेष सूचना पाएको थियो । 

सूचनापछि शनिबार साँझ इलाका प्रहरी कार्यालय मोतिपुर र प्रहरी चौकी कतर्नियाघाटबाट खटिएको टोलीले बारबर्दिया नगरपालिका–९ कतर्नियाघाट चेक प्वाइन्टबाट उनीहरूलाई नियन्त्रणमा लिइएको हो ।

प्रहरीले बिकसिहत गाडी धनी बाँकेको राप्ती सोनारी गाउँपालिका–२ का ३८ वर्षीय देबिन्द्रबहादुर घर्तीलाई पनि नियन्त्रणमा लिएको हो ।