काठमाडौं । नागढुंगाबाट बरामद भएको दुई किलो सुन प्रकरणमा थप एकजना पक्राउ परेका छन् ।

प्रहरीले चिनियाँ नागरिक २७ वर्षीय चेन झिवीलाई पक्राउ गरेको हो । उनलाई काठमाडौंस्थित सोह्रखुट्टेबाट पक्राउ गरिएको प्रहरीले जनाएको छ । 

गएको बिहीबार राति ९:४० बजेतिर प्रहरीले दुई किलो अवैध सुनसहित नागढुंगाबाट तीनजनालाई पक्राउ गरेको थियो । प्रहरीले रसुवाका २६ वर्षीय बिरु तामाङ, २१ वर्षीय सुनिल भुजेल र २८ वर्षीय ग्याल छिरिङ तामाङलाई पक्राउ गरेको थियो । उनीहरू तीनैजना रसुवाको गोसाईकुण्ड गाउँपालिका–३ का स्थानीय हुन् ।

चिनियाँ नागरिक चेन झिवी भने फरार भएका थिए । उनलाई शुक्रबार पक्राउ गरेर आवश्यक अनुसन्धान तथा कारबाहीको लागि जिल्ला प्रहरी परिसर टेकु पठाइएको छ ।