site stats
बाह्रखरी :: Baahrakhari
अर्थ व्यवसाय
Nabil BankNabil Bank
Sarbottam CementSarbottam Cement
मौद्रिक समीक्षाबाट घरजग्गा कारोबार बढ्दैन : अध्यक्ष धमला
Ghorahi CementGhorahi Cement

काठमाडौं । घरजग्गा व्यवसायीहरूले नेपाल राष्ट्र बैंकले माद्रिक नीतिको समीक्षाबाट घरजग्गा कारोबार क्षेत्रको कर्जामा उदारता देखाए पनि यसले खासै असर नपर्ने बताएका छन् । शुक्रबार नेपाल राष्ट्र बैंकले सार्वजनिक गरेको चालु आर्थिक वर्ष २०८०/०८१ को मौद्रिक नीतिको पहिलो त्रैमासिक समीक्षाका विषयमा प्रतिक्रिया दिँदै घरजग्गा व्यवसायीले यस्तो बताएका हुन् । 

नेपाल जग्गा तथा आवास विकास संघका अध्यक्ष विदुर धमलाले मौद्रिक नीतिको समीक्षाले घरजग्गा कारोबारमा खासै परिवर्तन आउन नसक्ने बताए । उनले ५० लाख रुपैयाँसम्मको आवास कर्जाको हकमा मासिक किस्ता आम्दानी अनुपात बढाएर ६० प्रतिशत कायम गर्दैमा कारोबार बढ्ने अपेक्षा गर्न नसकिने बताए । 

Agni Group

उनले काठमाडौं उपत्यकाभित्र जग्गाको मूल्य आनाको ५० देखि ६० लाख रुपैयाँ पर्ने भन्दै एउटा घर किन्न २ देखि साढे दुई करोड रुपैयाँ नभइ नपुग्ने अवस्था रहेको बताए । उनले राष्ट्र बैंकको यसअघिको निर्देशनमा नै दुई करोडको घर खरिद गर्दा चार करोडको आम्दानी हुनुपर्ने भनेकाले यस्तो अवस्थामा अहिलेको ५० लाख र २५ लाखको नीतिले व्यवसायीहरूलाई नछुने जिकिर गरे । उनले मौद्रिक नीतिले जाजरकोटका भूकम्पपीडितहरूका लागि मात्रै यस्तो व्यवस्था गरेको देखिएको बताए । 

उनले समग्र देशको अर्थतन्त्रमा परेको असर हेरेर नीति बनाउन आवश्यक रहेको बताए । घरजग्गा कारोबार अनुत्पादक क्षेत्र भने पनि यो कारोबार बन्द हुँदा दुई सयभन्दा बढी क्षेत्रलाई असर पर्ने देखिएको बताए । उनले घरजग्गा कारोबार बन्द हुँदा निर्माण सामग्रीहरूको मूल्य समेत क्रमिक रूपमा घटेको बताए । 

Global Ime bank

राष्ट्र बैंकले मौद्रिक समीक्षामार्फत रियलइस्टेट कर्जाको जोखिम भार घटाएको छ । बैंक तथा वित्तीय संस्थाले प्रदान गर्ने रियलइस्टेट कर्जा र ५० लाखभन्दा बढीको सेयर धितो कर्जाको जोखिम भार घटाई १२५ प्रतिशत कायम गरेको छ । 

राष्ट्र बैंकले ५० लाख रुपैयाँसम्मको आवास कर्जाको हकमा मासिक किस्ता आम्दानी अनुपात बढाएर ६० प्रतिशत कायम गरेको छ । राष्ट्र बैंकले यसअघिको ५० प्रतिशतको अनुपातलाई बढाएर ६० प्रतिशत पुर्याएको हो । रियलइस्टेट क्षेत्रको कारोबारको सुस्ततालाई मध्यनजर गर्दै मौद्रिक नीतिमार्फत राष्ट्र बैंकले कर्जा प्रवाहमा लचकता अपनाएको देखिन्छ । 

व्यवसायीले सरकारलाई लामो समयदेखि घरजग्गा कारोबारलाई सहजीकरण गर्ने विभिन्न व्यवस्थाका लागि सरकारको ध्यानाकर्षण गराउँदै आएका थिए ।
 

NIBLNIBL
प्रकाशित मिति: शनिबार, मंसिर २३, २०८०  ०९:४९
Sipradi LandingSipradi Landing
worldlinkworldlink
Nepal TelecomNepal Telecom
प्रतिक्रिया दिनुहोस्
Ncell Side Bar LatestNcell Side Bar Latest
Shivam Cement DetailShivam Cement Detail
NepatopNepatop
Maruti cementMaruti cement
सम्पादकीय
सुरक्षामा कमजोरी, जनतालाई कष्ट
सुरक्षामा कमजोरी, जनतालाई कष्ट
ICACICAC