विराटनगर । विराटनगरमा भएको आगलागीमा परी गम्भीर घाइते एक महिलाको मृत्यु भएको छ । विराटनगर–७ सातघुम्तीस्थित एक कवाडी गोदाममा बुधबार दिउँसो भएको आगलागीमा परेर घाइते भएकी विराटनगर ६ की सुनिता कामतको मृत्यु भएको हो ।‌

जिल्ला प्रहरी कार्यालय मोरङका प्रवक्ता डीएसपी रञ्जनकुमार दाहालका अनुसार बर्न अस्पताल कीर्तिपुमा मृत्यु भएको हो ।
 
उपचारको क्रममा राति नै मृत्यु भएको थियो । उक्त घटनामा परी बुधबार स्थानीय दीपक मण्डल र अर्की एक महिलाको मृत्यु भएको थियो । गम्भीर घाइते तीनजनालाई थप उपचारका लागि सेनाको जहाजबाट कीर्तिपुरको बर्न अस्पताल पठाइएको थियो ।