काठमाडौं । नेपाल विज्ञान तथा प्रविधि प्रज्ञा प्रतिष्ठान (नास्ट)ले बुधबार आफ्नो ४१औँ वार्षिकोत्सव मनाउने भएको छ ।

ललितपुरको खुमलटारस्थित आफ्नै परिसरमा नास्टले आफ्नो वार्षिकोत्सव मनाउँदै छ ।

वार्षिकोत्सव कार्यक्रममा प्रधानमन्त्री, राज्यमन्त्री, सञ्चार सचिवलगायत उच्च सरकारी अधिकारीको उपस्थिति रहने नास्टले बताएको छ ।

वार्षिकोत्सव समारोहमा वैज्ञानिक, शिक्षक एवं विद्यार्थीहरूलाई गरी ४८ वटा पुरस्कार प्रदान गरिने नास्टका सचिव रवीन्द्रप्रसाद ढकालले बताएका छन् ।

देशमा विज्ञान र प्रविधिको प्रवर्द्धन गर्न सन् १९८२ मा स्वायत्त निकायका रूपमा नास्टको स्थापना भएको थियो ।

विज्ञान र प्रविधिको विकास, स्वदेशी प्रविधिको संरक्षण र आधुनिकीकरण, विज्ञान तथा प्रविधिमा अनुसन्धानको प्रवर्द्धन र उपयुक्त प्रविधि हस्तान्तरणको पहिचान र सहजीकरण जस्ता उद्देश्य नास्टका छन् ।

नास्टले नवप्रर्वद्धन एवं आविष्कार र नयाँ प्रविधिको विकास गरिरहेका युवाहरूलाई अनुदान समेत उपलब्ध गराउँदै आएको छ ।