site stats
बाह्रखरी :: Baahrakhari
देश
Global Ime bankGlobal Ime bank
जसले आर्थिक प्रलोभनमा कारागारबाट छुटेकै दिन मनकुमारीको हत्या गरे !

काठमाडौं । धादिङ प्रहरीले एक महिलाको हत्यामा संलग्न रहेको आरोपमा तीनजनालाई पक्राउ गरेको छ । पक्राउ पर्नेमा त्रिपुरासुन्दरी गाउँपालिका–६ गोलाङका ४० वर्षीय शिवबहादुर बस्याल,  ५४ वर्षीय टोपबहादुर सार्की र ४० वर्षीय सुनिल नेपाली रहेका छन् ।

यही मंसिर १५ गते बिहान त्रिपुरासुन्दरी गाउँपालिका–६ गोलाङमा ६२ वर्षीया मनकुमारी सर्किनी आफ्नै घरमा मृत अवस्थामा भेटिएकी थिइन् । मृतकको अनुहारमा कोतरिएको, घाँटीमा डामहरू देखिएको, घटनास्थलमा चुराको फुटेको टुक्रा र पोतेको दानारू छरप्रष्ट अवस्थामा रहेको देखेपछि प्रहरीले शंकास्पद ठानेर घटनाको अनुसन्धान थालेको थियो ।

प्रहरी अनुसन्धानले मृतक महिलालाई बस्यालले मंसिर १४ गते राति मारेको देखाएको थियो । बस्यालललाई प्रहरीले मंसिर १५ गते नै त्रिपुरासुन्दरी–७ गोलाङस्थितको कच्ची गोरेटो बाटोमा लुकेको अवस्थामा पक्राउ गरेको थियो ।

प्रहरीका अनुसार सोधपुछका क्रममा बस्यालले आफूले घाँटी थिचेर हत्या गरेको स्वीकारेका थिए । प्रहरीसँगको बयानका क्रममा उनले स्थानीय टोपबहादुर र सुनिलले हत्या गर्न आदेश दिएको बताएका थिए । उनीहरूले बस्याललाई आर्थिक प्रलोभन देखाएका थिए ।

प्रहरीका अनुसार बस्याल यसअघि पहिला पनि जबरजस्ती करणी उद्योग, चोरीलगायतको फौजदारी कसुरहरूमा पटकपटक सजाय पाएको व्यक्ति रहेको पाइएको छ । उनी चोरी मुद्दामा २० महिना कैद भुक्तान गरी मंसिर १४ गते मात्र कारागार कार्यालय धादिङबाट छुटेका थिए । उनले सोही दिन नै मनकुमारीको घाँटी थिच‍ेर हत्या गरेका थिए  ।

उनीहरूमाथि प्रलोभन धादिङ जिल्ला अदालतबाट सातदिनको म्याद लिएर अनुसन्धान भइरहेको छ ।

प्रकाशित मिति: सोमबार, मंसिर १८, २०८०  २२:१५
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro