site stats
बाह्रखरी :: Baahrakhari
अर्थ व्यवसाय
Nabil BankNabil Bank
उत्तरी गोरखाको सिर्दीबासमा खच्चडबाट चामल ढुवानी
तस्बिर : दीपक श्रेष्ठ/रासस ।
Sarbottam CementSarbottam Cement

गोरखा । उत्तरी गोरखाको सिर्दीबास डिपोमा खच्चडबाट ढुवानी गरेर बिक्रीका निम्ति अनुदानको चामल पुर्‍याइएको छ । 

खाद्य व्यवस्था तथा व्यापार कम्पनी लिमिटेड शाखा कार्यालय गोरखाले चालु आर्थिक वर्ष २०८०/०८१ का निम्ति सिर्दीबास डिपोमा चामल ढुवानी गर्न थालेको कार्यालयका सूचना अधिकारी शिव सुनारले जानकारी दिए ।

“सदरमुकामस्थित कम्पनीको शाखा कार्यालयबाट दोभानसम्म मिनिट्रक र दोभानबाट सिर्दीबास डिपोसम्म खच्चडले ढुवानी गर्न थालेको छ,” उनले भने, “सिर्दीबास डिपोमा चामल ढुवानीका लागि दूधपोखरी निर्माण सेवासँग कम्पनीले ठेक्का सम्झौता गरेको छ ।”

Prabhu Bank
Agni Group
NIC Asia

चालु आवका निम्ति अहिलेसम्म ६७ क्विन्टल चामल सिर्दीबास डिपोमा पुर्‍याइएको सूचना अधिकारी सुनारले जानकारी दिए ।

“सिर्दीबासमा चालु आवमा पहिलोपटक चामल पुर्‍याइएको हो,” उनले भने, “पहिलो लटमा सिर्दीबास डिपोका लागि ६७ क्विन्टल स्टिम जिरा मसिनो चामल पुर्‍याइएको हो ।”

Global Ime bank

कम्पनीले गोरखा बजारदेखि सिर्दीबास डिपो र नाम्रुङ बिक्री केन्द्रका निम्ति चामल ढुवानी गर्न दूधपोखरी निर्माण सेवा एन्ड सप्लायर्ससँग ठेक्का सम्झौता गरेको छ । चुम्लिङ बिक्री केन्द्र र माछाखोला डिपोका निम्ति लिलिएन घले कन्स्ट्रक्सन कम्पनीसँग ठेक्का सम्झौता गरिएको उनले जानकारी दिए ।

खाद्य कम्पनीले सिर्दीबास डिपोबाट बिक्रीका निम्ति सोना मन्सुली चामल प्रतिकिलो ५६ र स्टिम जिरा मसिनो चामल प्रतिकिलो ८८ रुपैयाँ मूल्य निर्धारण गरेको छ ।

यस्तै, माछाखोला डिपोबाट बिक्रीका निम्ति सोना मन्सुली चामल प्रतिकिलो ५४ र स्टिम जिरा मसिनो चामल प्रतिकिलो ८८ तथा नामरुङ बिक्री केन्द्रबाट सोना मन्सुली चामल प्रतिकिलो ६५ र स्टिम जिरा मसिनो चामल प्रतिकिलो ९१ रुपैयाँ मूल्य तोकेको छ ।

चुम्लिङमा रहेको बिक्री केन्द्रबाट सोना मन्सुली चामल प्रतिकिलो ६५ र स्टिम जिरा मसिनो चामल प्रतिकिलो ९० रुपैयाँमा बिक्री गर्ने गरी मूल्य निर्धारण गरिएको कम्पनीले जनाएको छ ।

कम्पनीले नामरुङ र चुम्लिङ बिक्री केन्द्रमा पनि तत्कालै चामल ढुवानी गर्न ठेकेदार कम्पनीसँग छलफल गरिरहेको सूचना अधिकारी सुनारले बताए । रासस

NIBLNIBL
प्रकाशित मिति: सोमबार, मंसिर १८, २०८०  १०:५७
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC