रुपन्देही । नेपाली कांग्रेसका महामन्त्री विश्वप्रकाश शर्माले अहिलेको अवस्थामा राजतन्त्रको पक्षमा निस्केका आवाजबाट सर्तक हुनुपर्ने बताएका छन् ।

उनले हिजोको अवस्थामा मुलुकको विकासका निम्ति राजसंस्थाले गरेका काम र अहिलेको विकासको अवस्थाका विषयमा पनि समीक्षा गरेर समाजलाई बुझाउनुपर्ने जिम्मेवारी आएको बताए ।

शनिबार बुटवलमा कांग्रेस लुम्बिनी प्रदेश समितिको प्रथम सम्मेलनमा उनले अहिले केही पुराना र नयाँ दलहरूले ‘मिसन २०८४’ का नाममा गरेको कार्यक्रम आफूहरूका निम्ति जरुरी नभएको पनि बताए ।

उनले अब बलियो कांग्रेस बनाउन सबैको संकल्प आवश्यक रहेकामा जोड दिए । देश बनाउने संकल्प अब लुम्बिनीबाट सुरु गर्न उनले आह्वान गरे । रासस