site stats
बाह्रखरी :: Baahrakhari
देश
Global Ime bankGlobal Ime bank
हातहतियारसहित पाँचजना पक्राउ
प्रतीकात्मक तस्बिर ।

काठमाडौं । बारामा विभिन्न हातहतियारसहित पाँचजना पक्राउ परेका छन् । सिम्रौनगढ नगरपालिका–११, भगवानपुरबाट हातहतियारसहित बिहीबार बिहान प्रहरीले उनीहरूलाई नियन्त्रणमा लिएको हो ।

पक्राउ पर्नेमा सिम्रौनगढ–११, भगवानपुरका ३५ वर्षीय उपेन्द्र पटेल, ६२ वर्षीय रुपलाल पटेल, २७ वर्षीय धरिन्जन पटेल, रौतहटको देवाही गोनाही नगरपालिका–३ का ८० वर्षीया शोभा राउत र रौतहटकै बौधीमाई नगरपालिका–२ का ४४ वर्षीय राजमंगल पटेल रहेका छन् ।

उपेन्द्रको घरमा हातहतियार लुकाएर राखेको भन्ने सूचनाका आधारमा इलाका प्रहरी कार्यालय सिम्रौनगढबाट टोली खटिएको थियो । प्रहरीले सो घर तलासी गर्दा घरेलु रिभल्वर एकथान, सोही रिभल्वरको गोली सात राउन्ड, नलकटुवा पेस्तोल एकथान र सोही पेस्तोलको गोली तीन राउन्ड फेला पारी उनीहरूलाई पक्राउ गरिएको जनाइएको छ ।

उपेन्द्रको घरअगाडि रोकिराखेको ना९प २६३० नम्बरको मोटरसाइकल समेत नियन्त्रणमा लिइएको प्रहरी प्रधान कार्यालयले जानकारी गराएको छ ।

प्रकाशित मिति: बिहीबार, कात्तिक २३, २०८०  १६:३७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro