काठमाडौं । आईसीसी ट्वान्टी–२० विश्वकप एसिया छनोटको फाइनलमा नेपालविरुद्ध ओमानका कश्यप प्रजापतिले अर्धशतक बनाएका छन् ।

कीर्तिपुरस्थित त्रिवि क्रिकेट मैदानमा नेपालले दिएको १८५ रनको लक्ष्य पछ्याइरहेको ओमानबाट प्रजापतिले ३५ बलमा दुई चौका र चार छक्कासहित ५० रन पूरा गरे । ट्वान्टी–२० अन्तर्राष्ट्रिय क्रिकेटमा प्रजापतिको यो चौथो अर्धशतक हो ।

जारी खेलको ११.१ ओभर समाप्त हुँदा ओमानले दुई विकेट गुमाएर १०९ रन बनाएको छ ।

त्यसअघि, टस जितेर ब्याटिङमा आएको नेपालले निर्धारित २० ओभरमा ६ विकेट गुमाएर १८४ रनको योगफल खडा गरेको थियो ।