काठमाडौं । भूकम्प प्रभावित क्षेत्रमा खटिने नेपाल एयरलाइन्स र नेपाली सेनाको विमान तथा हेलिकोप्टरमा प्रयोग गरिने इन्धनबापतको रकम नेपाल आयल निगमले व्यहोर्ने भएको छ ।

शनिबार विज्ञप्तिमार्फत निगमले आर्थिक वर्ष २०८०/८१ को आफ्नो संस्थागत सामाजिक उत्तरदायित्व शीर्षकबाट उक्त रकम व्यहोर्ने निर्णय गरिएको जानकारी गराइएको छ ।

“यस विपद्को घडीमा भूकम्प प्रभावित क्षेत्रमा राहत तथा उद्धारकार्यमा खटिएका नेपाल एयरलाइन्स र नेपाली सेनाको हवाईजहाज तथा हेलिकोप्टरमा प्रयोग हुने हवाई इन्धनबापतको रकम नेपाल आयल निगमले आफ्नो आर्थिक वर्ष २०८०/८१ को संस्थागत सामाजिक उत्तरदायित्व शीर्षकबाट व्यहोर्ने निर्णय भएको व्यहोरा जानकारी गराइन्छ,” विज्ञप्तिमा उल्लेख छ ।