काठमाडौं । आईसीसी ट्वान्टी–२० विश्वकप एसिया छनोटको सेमिफाइनलमा युनाइटेड अरब इमिरेट्स (यूएई)विरुद्ध ओपनर आसिफ शेखले अर्धशतक बनाएका छन् ।

शुक्रबार मूलपानीस्थित माथिल्लो मूलपानी मैदानमा यूएईले दिएको १३५ रनको लक्ष्य पछ्याइरहेको नेपालबाट आसिफले ३९ बलमा एक छक्का र चार चौकासहित ५० रन पूरा गरे । ट्वान्टी–२० अन्तर्राष्ट्रिय क्रिकेटमा आसिफको यो चौथो अर्धशतक हो । 

जारी खेलको १४ओभर सकिँदा नेपालले दुई विकेट गुमाएर ९६ रन बनाएको छ ।

त्यसअघि, टस जितेर ब्याटिङमा उत्रिएको यूएईले निर्धारित २० ओभरमा नौ विकेट गुमाएर १३४ रन बनाएको थियो ।