site stats
बाह्रखरी :: Baahrakhari
विदेश
Global Ime bankGlobal Ime bank
हमासले सार्वजनिक गर्‍यो बन्दीहरूको भिडियो, गाजामा मारिनेको संख्या ८ हजार ३०० नाघ्यो

काठमाडौं । इजरायली आक्रमणबाट गाजामा मारिनेको संख्या आठहजार ३०० नाघेको छ । अक्टोबर ७ पछिको निरन्तर इजरायली आक्रमणबाट गाजामा कम्तीमा आठहजार ३०६ जनाले ज्यान गुमाएको अल्जजिराले दाबी गरेको छ ।

अक्टोबर ७ मा हमासले गरेको आक्रमणबाट इजरायलमा १४ सयजनाले ज्यान गुमाएका छन् ।

इजरायलले आक्रमणलाई थप सशक्त बनाउने बताएको छ । गएको राति भएको दोहोरो झडपमा दर्जनौ 'आतंकवादी' मारिएको इजरायलको दाबी छ ।

अर्कोतिर हमासले गाजामा बन्दीहरूको भिडियो सार्वजनिक गरेको छ । जसमा तीनजना महिला बन्दी देखिएको अन्तर्राष्ट्रिय सञ्चारमाध्यमले जनाएका छन् । ७६ सेकेन्ड लामो भिडियोमा एक महिलाले आफ्ना नागरिकलाई सुरक्षा दिन नसकेको भन्दै इजरायल सरकारको आलोचना गरेकी छन् । 

हमासले सार्वजनिक गरेको भिडियोबारे इजरायलले 'मनोवैज्ञानिक प्रोपोगान्डा' भनेको छ । इजरायलले हराएका तथा अपहरण गरिएका नागरिकलाई घर फर्काउन सबै हद पार गर्ने बताएको छ । 

हमासले कम्तीमा २२९ जनालाई बन्दी बनाएको इजरायलको दाबी छ ।

एजेन्सीको सहयोगमा ।

प्रकाशित मिति: सोमबार, कात्तिक १३, २०८०  २२:२८
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro