काठमाडौं । चालु आर्थिक वर्ष २०८०/८१ को भदौ मसान्तसम्म विदेशी विनिमय सञ्चिति ३.९ प्रतिशतले वृद्धि भएको छ ।

नेपाल राष्ट्र बैंकले मंगलबार सार्वजनिक गरेको ‘देशको वर्तमान आर्थिक तथा वित्तीय स्थिति’ प्रतिवेदनानुसार भदौसम्म कुल विदेशी विनिमय सञ्चिति बढेर १५ खर्ब ९८ अर्ब ९० करोड रुपैयाँ पुगेको छ । गएको असार मसान्तसम्म १५ खर्ब ३९ अर्ब ३६ करोड रुपैयाँबराबरको कुल विदेशी विनिमय सञ्चिति थियो ।

दुई महिनाको आयातलाई आधार मान्दा अहिले बैंकिङ क्षेत्रसँग रहेको विदेशी विनिमय सञ्चितिले १२.६ महिनाको वस्तु आयात धान्न सक्नेछ । १०.३ महिनाको वस्तु तथा सेवा आयात धान्न पर्याप्त हुने राष्ट्र बैंकले जनाएको छ ।