काठमाडौं । यो वर्षको बडादसैँका निम्ति आजदेखि नयाँ नोटको सटही सुरु गरिएको छ ।

सर्वसाधारणले नयाँ नोट साट्न पाउने भएसँगै नेपाल राष्ट्र बैंकमा लामो लाइन लागेको छ । बालुवाटारस्थित राष्ट्र बैंकको केन्द्रीय कार्यालयमा सोमबार बिहानैदेखि नयाँ नोट साट्न सर्वसाधारणको लाइन लागेको हो ।

राष्ट्र बैंकसहित वाणिज्य बैंकहरूका तोकिएका शाखाबाट समेत नयाँ नोट साट्न सकिने जनाइएको छ ।

एक व्यक्तिलाई १८ हजार ५०० रुपैयाँका दरले नयाँ नोट साट्ने व्यवस्था गरिएको राष्ट्र बैंकले जानकारी गराएको छ ।

पाँचदेखि १०० रुपैयाँको एक बन्डलमा १८ हजार ५०० रुपैयाँ हुने भएकाले सोहीअनुसार रकम उपलब्ध गराइनेछ । पाँच, १०, २०, ५० र १०० रुपैयाँका एक बन्डलका दरले रकम उपलब्ध गराइने राष्ट्र बैंकले जनाएको छ ।

थप तस्बिर हेर्नोस्–