काठमाडौं । कवि मदन कार्कीको ‘भावुकताको बीउ’ कविताकृति सार्वजनिक गरिएको छ । छापिएको तीन वर्षपछि शनिबार काठमाडौंमा एक कार्यक्रमबीच उक्त कृति सार्वजनिक गरिएको हो ।

नगेन्द्रराज शर्मा, राप्रउ पोखरेल,  रामबहादुर पहाडी, राजकुमार बानियाँ र कविपत्नी ईश्वरी कार्कीले संयुक्त रूपमा कृति सार्वजनिक गरे । 

साहित्यकार शर्माले कार्कीका ‘तीतेकरेला’, ‘लज्जावती’लगायत कविता चर्चित रहेको बताए । उनले कवि कार्कीसँगको भेट र संगत स्मरण गरे ।

साहित्यकार पोखरेलले कार्कीका कवितामा बेजोड व्यंग्योेक्ति पाइने बताए ।

कार्यक्रममा विमोचित कृतिबाट कवि गोकुल अधिकारी, जीवनपानी, बाबु त्रिपाठी, राबत, वेणु अधिकारी, शैलेन्द्र सिग्देललगायत व्यक्तिले कवितावाचन गरेका थिए  ।