काठमाडौं । पूर्वप्रधानमन्त्री तथा नेकपा (एकीकृत समाजवादी)का सम्मानित नेता झलनाथ खनालले इजरायलमा भएको आक्रमणमा ज्यान गुमाएका नेपालीहरूप्रति दुःख व्यक्त गरेका छन् ।

विज्ञप्ति जारी गर्दै नेता खनालले आक्रमणमा परी ज्यान गुमाउने नेपालीप्रति श्रद्धाञ्जली अर्पण गर्दै घाइतेहरूको यथाशीघ्र उपचारको निम्ति नेपाल सरकार र इजरायल स्थित नेपाली दूतावासको ध्यानाकर्षण गराएका छन् ।

नेपाल सरकार र इजरायल स्थित नेपाली दूतावासलाई घटनाको यथाशीघ्र सत्यतथ्य जानकारी उपलब्ध गराउन पनि आग्रह गरेका छन् ।

इजरायलमा रहेका सम्पूर्ण नेपालीहरूको सुरक्षाको निम्ति इजरायल सरकारसँग जोडदार माग गरेका छन् । मृतकका शवलाई अविलम्ब नेपाल पठाउन, इजरायलमा रहेका सम्पूर्ण नेपालीहरूको सुरक्षा गर्नका लागि सबै प्रकारका कूटनीतिक पहलकदमी लिन नेपाल सरकार र इजरायल स्थित नेपाली दूतावासको ध्यानाकर्षण गराएका छन् ।