![गरिमा विकास बैंकले सुरु गर्यो क्रेडिट कार्डमा ईएमआई सेवा](https://12khari.top/uploads/posts/EMI-Press-Release-1696594141.jpeg)
काठमाडौं । गरिमा विकास बैंकले विकास बैंकहरुमा नै पहिलोपटक क्रेडिट कार्डमा ईएमआई सेवा सुरुआत गरेको छ । यसअन्तर्गत बैंकले सम्झौता गरेको बिक्रेताहरुसँग सामान खरिद गरी गरिमा विकास बैंकको क्रेडिट कार्डबाट भुक्तानी गर्दा सबै खरिद रकम एकैपटक नभई शून्य प्रतिशत ब्याजदरमा मासिक किस्ताको रूपमा तिर्न सकिने छ ।
साथै, ग्राहक आफैले पनि अरु कतैबाट सामान खरिद गरी गरिमा विकास बैंकमा भ्याट बिल पेस गरेर यो सुविधा लिन चाहेमा सजिलै लिन सकिने बैंकले जनाएको छ ।
आउँदै गरेको दसैँ तथा तिहारमा सामान खरिद गर्न मन भएका तर तुरुन्तै सबै रकम भुक्तानी गर्न असहज हुने ग्राहकले यो सुविधामार्फत लाभ लिन सक्नेछन् । सबै नेपालीको पहुँचमा क्रेडिट कार्ड पुग्ने र यसले देशको समस्त आर्थिक प्रणाली चलायमान रहने बैंकको विश्वास छ ।
गरिमा विकास बैंकले १२२ शाखा कार्यालय र ५० एटीएम तथा डिजिटल बैकिङमार्फत सेवा दिँदै आएको छ ।