काठमाडौं । चीनको हाङझाउमा जारी एसियाली खेलकुदअन्तर्गत पुरुष क्रिकेटको क्वार्टरफाइनलमा नेपालले मंगलबार भारतसँग खेल्दै छ ।

यी दुई टिमबीचको खेलको खुसीयालीमा डिशहोम फाइबरनेटले १२ महिनाको रिचार्ज गर्दा अतिरिक्त १२ महिनाको सब्सक्रिप्सन निःशुल्क पाउने अफर ल्याएको छ ।

डिशहोमले सोमबार ‘सर्पोट आवर नेपलिज टिम’ अफरमा १२ महिनाको रिचार्ज गर्दा अर्को १२ महिनाको सब्सक्रिप्सन निःशुल्क गर्ने जनाएको हो । यो अफर २४ घण्टासम्मका लागि रहेको डिशहोमले जनाएको छ ।

नेपाली टिमले मंगलबार चीनको झेजियाङ प्राविधिक विश्वविद्यालयको क्रिकेट मैदानमा भारतविरुद्ध खेल्ने तय भएको छ । यो खेल नेपाली समयअनुसार बिहान ६ः४५ बजेदेखि सुरु हुनेछ ।

नेपाल समूह ‘ए’को विजेता बन्दै क्वार्टरफाइनलमा पुगेको हो । नेपालले समूह चरणका खेलमा मंगोलियालाई २७३ र माल्दिभ्सलाई १३८ रनले हराएको थियो ।

भारतले भने आईसीसीको वरीयताअनुसार सोझै क्वार्टरफाइनलमा प्रतिस्पर्धा गर्ने भएको हो ।