site stats
बाह्रखरी :: Baahrakhari
खेल
Global Ime bankGlobal Ime bank
एट्लेटिको मड्रिडको जितमा ग्रिजम्यान र रिक्विल्मेको गोल

काठमाडौं । एट्लेटिको मड्रिडले स्पेनिस ला लिगामा घरेलु टोली ओसासुनामाथि २–० को सहज जित निकालेको छ । बिहीबार अल सदार रंगशालामा भएको खेलमा एट्लेटिकोलाई जित दिलाउन एन्टोइन ग्रिजम्यान र रोड्रिगो रिक्विल्मेले गोल गरे ।

खेलको २०औँ मिनेटमा ग्रिजम्यानले गोल गर्दै एट्लेटिकोलाई अग्रता दिलाएका थिए । एट्लेटिकोले पहिलो हाफमा १–० को अग्रता बनाएको थियो । दोस्रो हाफमा पनि एक गोल थप्यो । ८१औँ मिनेटमा रिक्विल्मेले गोल गर्दै टोलीलाई २–० को जित दिलाए ।

८५औँ मिनेटमा एट्लेटिकोका अल्भारो मोराटा र ओसासुनाका इजिक्विल एभिलाले रातो कार्डको दर्शन गर्दै मैदानबाट बाहिरिएका थिए । त्यसपछि दुवै टोली १० खेलाडीमा समेटिएका थिए ।

जितसँगै ६ खेलबाट १३ अंक जोडेको एट्लेटिको मड्रिड तालिकाको पाँचौँ स्थानमा छ । सात खेलबाट सात अंकको ओसासुना १४औँ स्थानमा छ । 

बिहीबार नै भएका अरू खेलमा रियाल सोसिडाडले भ्यालेन्सियाविरुद्ध १–० को जित निकालेको छ ।

कार्डिज र रायो भायेकानोले गोलरहित बराबरी, ग्रानाडा र रियाल बेटिस तथा डिर्पाेटिभो आल्भेस र सेल्टा भिगोले समान १–१ को बराबरी खेले ।

प्रकाशित मिति: शुक्रबार, असोज १२, २०८०  ०९:३६
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro