काठमाडौं । नेकपा (एमाले) वाग्मती प्रदेश अधिवेशनको बन्दसत्र जारी छ । काठमाडौंको कमलादीस्थित नेपाल प्रज्ञा–प्रतिष्ठानमा मंगलबार बिहानदेखि बन्दसत्र सुरु भएको हो । 

बन्दसत्रमा राजनीतिक, सांगठनिक, आर्थिक र आगामी कार्ययोजनासम्बन्धी प्रतिवेदन प्रस्तुत गरिएको छ । प्रतिवेदनमाथि दिउँसो २ बजेदेखि छलफल हुने अध्यक्ष मण्डलका सदस्य शेरबहादुर तामाङले जानकारी दिए । 

उनले निर्वाचन कार्यक्रम आजै साँझबाट सुरु हुने बताए ।

बन्दसत्र सुरु हुनुअघि गुरु बरालको नेतृत्वमा ११ सदस्यीय अध्यक्षमण्डल बनाइएको छ । बराल पार्टीको वाग्मती प्रदेश इन्चार्ज हुन् ।

समिति सदस्यहरूमा शेरबहादुर तामाङ, देवी ज्ञवाली, आनन्दप्रसाद पोखरेल, गोकुलप्रसाद बास्कोटा, कमल चौलागाई, रामेश्वर फुँयाल, कृष्णबहादुर राई, सुशिला नेपाल, पार्वत गुरुङ, रत्ना गुरुङ रहेका छन् ।