![टेबल टेनिसमा महिला–पुरुष दुवैतर्फ नेपाल पराजित](https://12khari.top/uploads/posts/Table tennis1642160907.jpg)
काठमाडौं । चीनमा जारी १९औँ एसियाली खेलकुदको टेबल टेनिसको प्रारम्भिक चरणमा नेपाल महिला र पुरुष दुवैतर्फको टिम इभेन्टमा पराजित भएको छ ।
शुक्रबार भएको खेलमा नेपाल महिलातर्फ समूह ‘एफ’ को खेलमा सिंगापुरसँग ३–० ले पराजित भएको हो ।
गोन्सु कानल स्पोर्ट्स पार्क जिम्नाजियमा सम्पन्न एकतर्फी बनेको पहिलो खेलमा नविता श्रेष्ठ जिन्गी झोउसँग ४–११, ३–११, ४–११ ले पराजित भइन् ।
दोस्रो खेलमा सिक्का सुवालले जियान जिंगसँग २–११, १–११, ४–११ ले पराजित भइन् । रु–सिङ वांगसँगको खेलमा पनि इभाना थापामगर ३–११, ७–११, ४–११ ले पराजित भइन् ।
पुरुषतर्फ समूह ‘बी’ को खेलमा नेपाल जापानसँग ३–० ले पराजित भयो । पहिलो सेटमा तोमोकाजु हारिमोटोलाई हराउँदै रुविन महर्जनले नेपाललाई राम्रो सुरुआत दिलाएका थिए । जापानविरुद्ध नेपालका कुनै पनि खेलाडीले सेट जितेको यो पहिलो पटकसमेत हो ।
पहिलो सेट ११–६ ले जितेका सुविनले त्यसपछि भने २–११, ३–११, ५–११ ले हार बेहोरे ।
नेपालका संयोग कपाली जापानका माहारु योशीमुरासँग ७–११, ३–११, ७–११ र विलोश श्रेष्ठ सुन्सुके तोगामीसँग ११–६, ११–३, ११–३ ले पराजित भए ।
अब नेपालले शनिबार पुरुषतर्फ उत्तर कोरिया र महिलातर्फ भारतविरुद्ध खेल्ने तालिका छ ।