देश
कुलेश्वरमा सुनको सिक्री लुटपाट, लुट्ने र किन्नेसहित चारजना पक्राउ

काठमाडौं । सुनको सिक्री लुटपाट घटनामा संलग्न रहेको आरोपमा प्रहरीले चारजनालाई पक्राउ गरेको छ । पक्राउ पर्नेमा मोटरसाइकल चालक ४४ वर्षीय सुरज गुरुङ, मोटरसाइकलको पछाडि बसेर सिक्री तान्ने ४८ वर्षीष अनवर हुसेन अन्सारी रहेका छन् ।
यसैगरी, सुन बिक्री गर्न सहयोग गर्ने भारतका ४७ वर्षीय शक्ति भौमिक र सुन खरिद गर्ने भारतकै ३० वर्षीय सचिन गाड्वेलाई पनि प्रहरीले पक्राउ गरेको छ ।
भदौ ५ गते अपराह्न ५ बजेतिर काठमाडौंको कुलेश्वर आवास क्षेत्रनजिकै सडक किनाराबाट पैदल हिँडिरहेकी काभ्रे पाँचखाल–१२ की अप्सरा श्रेष्ठको घाँटीमा लगाएको २ तोलाबराबरको सुनको लकेटसहितको सिक्री लुटिएको थियो ।
घटनाको अनुसन्धानको क्रममा प्रहरीले उनीहरूलाई पक्राउ गरेको हो ।
प्रकाशित मिति: मंगलबार, असोज २, २०८० १५:३५
प्रतिक्रिया दिनुहोस्