काठमाडौं । एसियन क्रिकेट काउन्सिलका अध्यक्ष जय साहले एसिया कप–२०२३ को सफल आयोजनाका लागि श्रीलंकाको मैदानमा खटिएका क्युरेटर र ग्राउन्ड स्टाफलाई ५० हजार डलर दिने घोषणा गरेका छन् ।

एसीसीका अध्यक्ष साहले आइतबार एक ट्विट गर्दै ग्राउन्ड स्टाफहरूलाई ५० हजार डलर दिने घोषणा गरेका हुन् ।

“एसियाली क्रिकेट काउन्सिल (एसीसी) र श्रीलंका क्रिकेट (एसएलसी) गर्वकासाथ कोलम्बो र क्यान्डीका समर्पित क्युरेटर र ग्राउन्ड स्टाफहरूका लागि ५० हजार डलरको पुरस्कार राशि घोषणा गर्दछ,” साहले ट्विटरमा लेखेका छन् ।

एसिया कपको फाइनल खेल कोलम्बोस्थित आर प्रेमादसा रंगशालामा भारत र श्रीलंकाबीच भइरहेको छ ।