काठमाडौं । एभरेष्ट बैंक लिमिटेड र चाबहिलको ओम अस्पतालबीच बैंकका ग्राहकलाई छुट प्रदान गर्ने सम्झौता भएको छ । योसँगै एभरेष्ट बैंकका सम्पूर्ण ग्राहकले उक्त अस्पतालका सेवामा १० प्रतिशतसम्मको छुट पाउनेछन् ।

बैंकका प्रमुख कार्यकारी अधिकृत सुदेश खालिङ र अस्पतालका प्रमुख कार्यकारी अधिकृत यमबहादुर महतले सम्झौतापत्रमा हस्ताक्षर गरेका छन् ।

सम्झौता लागु भएसँगै बैंकका सम्पूर्ण ग्राहक, कर्मचारी र उनीहरूका पारिवारिक सदस्यले उक्त अस्पतालबाट आईपीडी–डाइगोस्टिक, फार्मेसी र फिजियोथेरापीमा १० प्रतिशतसम्म र दन्त सेवामा ५ प्रतिशतसम्म छुटको लाभ लिन सक्नेछन् ।

एभरेष्ट बैंकले १२७ शाखा कार्यालय, तीन एक्सटेन्सन काउन्टर, सात प्रादेशिक कार्यालय र १६२ एटीएममार्फत बैंकिङ सेवा दिँदै आएको जनाएको छ ।