काठमाडौं । बाँकेको नेपालगञ्ज उपमहानगरपालिका १५ जमुनाहबाट नगद तीन लाख रुपैयाँसहित एक व्यक्ति पक्राउ परेका छन् । भदौ २५ गते सशस्त्र प्रहरीले तीन लाख नेपाली रुपैयाँसहित एकजनालाई नियन्त्रणमा लिएको छ ।

भारत घर बताउने ३० वर्षीय इस्तियाक अहमदलाई प्रस्तावित सीमा सुरक्षा गुल्म (बीओपी जमुनाह) बाँकेले नियन्त्रणमा लिएको हो ।

भारतबाट यूपी ३२ एल एच ३७०४ नम्बरको मोटरसाइलमा नेपालतर्फ आउँदै गरेका अहमदको साथमा फेला परेको उल्लेखित रुपैयाँको स्रोत खुलाउन नसकेपछि नियन्त्रणमा लिइएको हो ।

नियन्त्रणमा लिइएका उनलाई बरामद रुपैयाँ र मोटरसाइलकसहित आवश्यक कारबाहीको लागि नेपालगञ्ज भन्सार कार्यालय बाँकेमा बुझाइएको छ । मोटरसाइकलको भन्सार दाखिला मूल्य दुई लाख रुपैयाँ रहेको छ ।