काठमाडौं । अवैध क्रिप्टो कारोबारमा संलग्न रहेको आरोपमा एकजना पक्राउ परेका छन् । पक्राउ पर्नेमा पासिकोट बस्ने सिन्धुपाल्चोक बलेफी गाउँपालिका–३ का २७ वर्षीय पुरूषोत्तम कार्की रहेका छन् ।

सामाजिक सञ्जाल फेसबुकमार्फत विभिन्न व्यक्तिको खातालगायत वालेटहरूमा रकम ट्रान्सफर गरी क्रिप्टो कारोबार गरेको भन्ने सूचनाको आधारमा काठमाडौं उपत्यका अपराध अनुसन्धान कार्यालय मीनभवनबाट खटिएको प्रहरीले उनलाइ पक्राउ गरेको हो ।

कार्कीमाथि नेपाल राष्ट्र बैंक ऐन, २०५८ अन्तर्गतको कसुरमा आवश्यक अनुसन्धान भइरहेको प्रहरीले जनाएको छ ।