काठमाडौं । धितोपत्र बजारमा सेयर कारोबार मापक नेप्से परिसूचक आइतबार उच्च अंकले ओरालो लागेको छ । नेपाल स्टक एक्सचेन्जका अनुसार नेप्से परिसूचक २९.८१ अंकले ओरालो लागेर १९६०.७८ मा सीमित भएको छ ।

यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक ५.०९ अंकले ओरालो लागेर ३७६.६२ मा सीमित भएको छ । कारोबार भएका १३ वटै उपसमूहको सेयर मूल्यमा आज गिरावट देखिएको छ ।

विभिन्न कम्पनीका कुल ४० लाख ५३ हजार ३६८ कित्ता सेयर एक अर्ब १८ करोड ६६ लाख १८ हजार ४१० रुपैयाँमा खरिद–बिक्री भए । कारोबारका आधारमा सोल्टी होटेल शीर्ष स्थानमा छ । सो कम्पनीको तीन करोड ८८ लाख ८८ हजार १०६ रुपैयाँबराबरको सेयर कारोबार भयो ।

यस्तै, आइएमई लाइफ इन्स्योरेन्सको तीन करोड ७६ लाख ४१ हजार ९४६, सिटी होटेलको तीन करोड ७४ लाख दुई हजार ७८०, माछापुच्छ्रे बैंकको तीन करोड ४९ लाख ६६ हजार ३०२ र एभरेष्ट बैंकको तीन करोड २३ लाख ४३ हजार ७५४ रुपैयाँबराबरको कारोबार भई शीर्ष पाँचभित्र पर्न सफल भएका छन् ।

नेप्सेका अनुसार थ्री स्टार हाइड्रोपावरको सेयर मूल्यमा १० प्रतिशतले वृद्धि भई सकारात्मक सर्किट लागेको छ । यस्तै, सिक्लेस हाइड्रोपावर ५.५६, प्राइम बैंकको ऋणपत्र ४.०३, बुद्धभूमि नेपाल हाइड्रोपावरको १.९६ र सिटिजन म्युचुअल फन्ड दोस्रोको सेयर मूल्य १.९१ प्रतिशतले बढेको छ ।

लिबर्टी इनर्जी रसिटी होटेलको सेयर मूल्य १० प्रतिशतले ओरालो लाग्दा नकारात्मक सर्किट लागेको छ । ग्रीन भेन्चर्सको ८.७९, कुथेली बुखरी स्मल हाइड्रोपावरको ८.३९ र सामलिङ पावर कम्पनीको सेयर मूल्य ७.२२ प्रतिशतले घटेको छ । रासस