काठमाडौं । भेप सुन प्रकरणमा पक्राउ परेका पूर्वसभामुख कृष्णबहादुर महराका छोरा राहुल महरालाई म्याद थपका लागि अदालत लगिएको छ । 

महरा आजै पक्राउ परेका थिए । उनलाई कति समय म्याद थप गर्ने भन्ने विषयमा काठमाडौं जिल्ला अदालतको २६ नम्बर इजलासमा बहस भइरहेको अदालत प्रशासनले जनाएको छ । 

इलेक्ट्रिक सिगरेट भेपमा राखेर तस्करी गरिएको सुन ९ किलोभन्दा धेरै भएको अनुसन्धानको ठहर छ । चिनियाँ तस्करमार्फत आएको सुन छुटाउनका लागि राहुल महराले सयौं पटक भन्सारका कर्मचारी र चिनियाँ तस्करसँग फोन सम्पर्क गरेको देखिएको थियो ।

यो प्रकरणमा पूर्वसभामुख महराको समेत फोन सम्पर्क देखिएको छ । उनी भने पक्रउ परेका छैनन् ।