काठमाडौं । रुस्लानले भदौ ६ गतेदेखि ‘रुस्लान स्टुडियो’को सुरुआत गरेको छ । लाइभ स्टुडियो, रेकर्ड, सेटिङ, संगीतका विभिन्न विधाहरु प्रस्तुत गर्ने ‘रुस्लान स्टुडियो’ सुरुआत गरको हो । सो संगीतहरूको प्रसारण रुस्लान स्टुडियोको युटुब पेजबाट हुने बताइएको छ ।

कार्यक्रमा नेपालभरका ५० भन्दा बढी लोकप्रिय कलाकार र संगीतकारहरूको प्रस्तुति हुने बताइएको छ । रुस्लान स्टुडियोको मुख्य उद्देश्य यसअघि नसुनेका धुनका केही लोकप्रिय ट्रयाकहरुमा परीक्षण गरी कलाकार र संगीतकारहरूलाई आफ्नो सांगीतिक फ्युजन र गतिशीलता प्रस्तुत गर्नु रहेको जानकारी दिइएको छ ।

रुस्लान स्टुडियोमा शुशान्त केसी, द एक्स ब्यान्ड, स्वप्न सुमन, मिस्टर डी, त्रिशला गुरुङ, सुनिल पण्डित, कुटुम्ब, एकदेव लिम्बु, समिर श्रेष्ठ, झुमा लिम्बु, द एलिमेन्ट्स, महेश काफ्ले, अनिल सिंह, इमर्ज ब्यान्ड, व्योमा, फोसील, मनिष गन्धर्ब, दिवस गुरुङ, आकाश खड्का, कमल खत्री, आनन्द कार्की, राजा राजेन्द, केञ्जल मेहर श्रेष्ठ, एएसएमहरुको प्रस्तुति हुनेछ ।

“रुस्लान र संगीतको सम्बन्ध धेरै अघिदेखि परिचित रहँदै आएको छ । र, यसैमार्फत हामीले रुस्लान एफएममा समय परिषद् नयाँ धुनहरु पेस गर्दै आएका पनि छौँ । आगामी दिनमा रुस्लान र संगीतको सम्बन्धलाई अझ दरिलो बनाउने उद्देश्यका साथ नै हामीले रुस्लान स्टुडयोको सुरुआत गरेको हो । हालको यो परियोजनामा हामीले नेपाली कलाकारहरुको बहुमुखी प्रतिभा संगीतको मार्फत पेस गर्दै छौँ । र, सो कलालाई डिजिटल प्लेटफर्ममार्फत एकीकृत गर्ने लक्ष्य राखेका छौँ,” जावलाखेल ग्रुप अफ इन्डष्ट्रिजका ब्रान्ड म्यानेजर श्रेय कृष्ण श्रेष्ठले भने ।

रुस्लानले आफ्ना ग्राहकवर्गको खुसीयाली, उत्सव, जमघट तथा रमझमको क्षणलाई उत्सवमय बनाउन साथ दिँदै आएको छ । रुस्लान स्टुडियोले ब्रान्ड र ग्राहकको सम्बन्ध अझ अटुट बनाउने विश्वास पनि श्रेष्ठले व्यक्त गरे ।