काठमाडौं । सर्वाेच्च अदालतले सांसद विकास कोषको रकम खर्चमा रोक लगाएको आदेशबारे सांसदहरूले आपत्ति जनाएका छन् । बिहीबार प्रतिनिधिसभाको बैठकको विशेष समयमा सांसदरूले सर्वोच्चको आदेश शक्ति पृथकीकरणको मान्यताविपरीत रहेको बताएका छन् । 

कांग्रेस सांसद श्यामकुमार घिमिरेले सांसद विकासको रकम खर्चमा रोक लगाएको आदेश शक्ति पृथकीकरणको मान्यताविपरीत रहेको बताए । उनले संविधानसँग नबाझिएका कानुनका सम्बन्धमा सर्वाेच्चले आदेश दिन नमिल्ने बताए । सर्वोच्चको आदेशले एकअर्काका कार्यक्षेत्रभित्र प्रवेश गर्ने, एकअर्काको कार्यक्षेत्रलाई दख्खल अन्दाजी गर्ने प्रयास भएको उनको भनाइ छ । 

जनता समाजवादी पार्टी नेपालकी सांसद रेखा यादवले सर्वोच्च अदालतले सांसद विकास कोषको रकम खर्चमा रोक लगाएको आदेशका सम्बन्धमा लोकतन्त्रमाथिको प्रहारका रूपमा व्याख्या गरिन् ।