विराटनगर । मोरङको बूढीगंगामा स्कुल बसले ठक्कर दिँदा एक बालकको मृत्यु भएको छ ।

जिल्ला प्रहरी कार्यालय मोरङका अनुसार बूढीगंगा गाउँपालिका–१, मिलनचोक नजिकै सेन्ट मेरिज बोर्डिङ स्कुलको ग१क ६०१८ नम्बरको बसले ठक्कर दिँदा सोही ठाउँका १२ वर्षीय सन्देश सुनामको मृत्यु भएको हो ।

मंगलबार अपरान्ह विपरीत दिशाबाट आउँदै गरेको साइकललाई ठक्कर दिँदा बालकको मृत्यु भएको जिल्ला प्रहरी कार्यालयका डीएसपी रञ्जनकुमार दाहालले बताए ।  

उनने भने, “बसको ठक्करबाट गम्भीर घाइते भएका बालकलाई उपचारको लागि बूढीगंगा टंकीसिनवारीस्थित विराट शिक्षण अस्पताल लगिएमा साढे ४ बजेतिर मृत्यु हुन पुग्यो ।”

प्रहरीले बसका चालक विराटनगर महानगरपालिका–४ बस्ने ४० वर्षीय देवानन्द राजवंशीलाई नियन्त्रणमा लिएको छ ।