काठमाडौं । मुग्लिन–नारायणगढ सडकखण्ड पूर्णरूपमा अवरुद्ध भएको छ । नाम्सि पुल नजिकै पहिरो खसेका कारण सडक पुर्णरूपमा अवरुद्ध भएको सडक डिभिजन कार्यालय भरतपुरले जनाएको छ ।

अहिले सडक डिभिजन भरतपुरको तैनाथ अवस्थामा राखिएको मेसिनबाट पहिरो पन्छाउने कार्य भइरहेको छ । माथिबाट ढुंगा खस्ने क्रम नरोकिए पुरै पहिरो पन्छाउन समय लाग्ने अनुमान गरिएको सुपरभाइजर ईश्वर क्षेत्रीले जानकारी दिए ।

कार्यालयले सूचना जारी गर्दै भनेको छ, "मुग्लिन नारायणगढ सडकखण्डको नाम्सि पुल नजिकै खसेको भिषण पहिरोको कारण सडक पुर्णरूपमा अवरुद्ध भएको छ । डिभिजन प्रमुख उक्त स्थानमा पुगि छिटोभन्दा छिटो सडक सञ्चालनमा ल्याउन निर्देशन दिनुभएको छ । अहिले सडक डिभिजन भरतपुरको तैनाथ अवस्थामा राखिएको मेसिनबाट पहिरो पन्छाउने कार्य भइरहेको छ । माथिबाट ढुंगा खस्ने क्रम नरोकिए पुरै पहिरो पन्छाउन समय लाग्ने अनुमान छ । पहिरोका कारण रोकिएका सवारीसाधन लगायत यात्रु महानुभावहरू सुरक्षित स्थानमा बस्नुहुन हार्दिक अनुरोध गर्दछौँ ।"