काठमाडौं । मुग्लिन–नारायणगढ सडकखण्ड अवरुद्ध भएको छ । सडकखण्डको नाम्सि पुल नजिकै पहिरो खसेका कारण पुर्णरूपमा अवरुद्ध भएको सडक डिभिजन कार्यालय भरतपुरले जनाएको छ ।

अहिले सडक डिभिजन भरतपुरको तैनाथ अवस्थामा राखिएको मेसिन उक्त स्थानमा पुगिसकेको छ।

माथिबाट ढुंगा खस्ने क्रम नरोकिएको कारण पहिरो पन्छाउने कार्यमा समस्या भइरहेको सुपरभाइजर ईश्वर क्षेत्रीले जानकारी दिए । पहिरो पन्छाउन समय लाग्ने पनि उनले बताए ।

पहिरोका कारण रोकिएका सवारीसाधनलगायत यात्रुलाई सुरक्षित स्थानमा बस्न कार्यालयले अनुरोध गरेको छ ।