काठमाडौं । नेपाली कथानक चलचित्र ‘ऐँचो पैँचो’को ट्रेलर सार्वजनिक भएको छ । प्रेम, द्वन्द्व र राजनीतिक घटनाक्रम समेटिएको सिनेमाको ट्रेलर सार्वजनिक गरिएको हो । 

युवाको सपनामाथि कसरी राजनीतिज्ञले खेलबाड गर्छन् ट्रेलरमा समावेश छ । कृषा चौलागाईंले निर्देशन गरेको चलचित्रमा राजनीतिलाई पेसा बनाउने नेपाली राजनीतिको प्रवृत्तिमाथि पनि व्यंग्य गरिएको छ । 

‘...राजनीतिमा गरिबका लागि लड्दालड्दै धनी भएको थाहै हुँदैन’

‘राजनीति एउटा यस्तो पेसा हो नि, जो गरिबका लागि लड्दालड्दै धनी भएको थाहै हुँदैन,’ यो संवादले राजनीतिप्रति व्यंग्य गरेको छ । 

भदौ १४ गते रिलिज हुने चलचित्रमा स्वस्तिमा खड्का, वर्षा राउत, मुकुन भुसाल, सुशील सिटौला, कोसिस क्षेत्री लगायत कलाकार भूमिकामा छन् ।