site stats
बाह्रखरी :: Baahrakhari
अर्थ व्यवसाय
Global Ime bankGlobal Ime bank
‘क्विन्टल सुन तस्करी प्रकरण’मा हङकङ भन्सारले गरेन सहयोग
फाइल तस्बिर।

काठमाडौं । एक क्विन्टल सुन तस्करी प्रकरणको अनुसन्धानमा हङकङ भन्सारले प्रतिवद्धता गरेअनुसार सहयोग नगरेको पाइएको छ ।

गत साउन ३ गते राजस्व अनुसन्धान विभागले बरामद गरेको उक्त सुनको अनुसन्धान लागि भन्सार विभागले साउन ९ गते पत्र पठाएर हङकङ भन्सारसँग सहयोग मागेको थियो ।

जवाफमा हङकङ भन्सारले साउन १२ गते अनुसन्धानमा सघाउने प्रतिवद्धता जनाउँदै विभागसँग ‘एयर वे बिल’ (पूर्ण विवरण) मागेको थियो । यो भनेको जहाजबाट सामान ल्याउँदाको सम्पूर्ण कागजात हो । विभागले सोही दिन एयर वे बिल हङकङ भन्सारलाई पठाएको थियो ।

एयर वे बिल पठाएको एक साता बितिसक्दा पनि हङकङ भन्सारले उक्त सुन प्रकरणसँग सम्बन्धित जानकारी विभागलाई दिएको छैन ।

“हङकङ भन्सारले सहयोग गर्नुपर्ने हो । तर, एयर वे बिल पठाएपछि अहिलेसम्म कुनै पत्र हामीलाई पठाएको छैन,” भन्सार विभागका महानिर्देशक शोभाकान्त पौडेलले बाह्रखरीसँग भने, ‘हामी फेरि पत्र पठाउँछौँ ।”

साउन ३ गते हङकङबाट ब्रेक सुमा तस्करी भएर आएको करिब एक क्विन्टल सुन त्रिभुवन अन्तर्राष्ट्रिय विमानस्थलको भन्सारबाट पास भइसकेपछि राजस्व अनुसन्धान विभागले बरामद गरेको थियो ।

ब्रेक सुको तौल १५५ केजी रहेको छ । तर, त्यसमा सुनको मात्रा कति छ हालसम्म जोखिएको छैन । सुन अहिले राष्ट्र बैंकले राखेको छ ।

हङकङबाट ठूलो मात्रामा सुन तस्करी भएर आएपछि भन्सार विभागले हङकङ भन्सारलाई पत्र पठाएर सोधेको थियो– यति ठूलो मात्रामा सुन पठाउँदा जाँच किन भएन ? हङकङ भन्सारको एक्सरे मेसिनले किन थाहा पाएन ? सुन तस्करहरुलाई सहयोग हुने गरी सामान किन पठाइयो ? लिड विथआउट ब्याट्री भनेर किन सुन पठाएको ?

विभागले विभिन्न प्रश्न उठाएपछि हङकङ भन्सारले अनुसन्धानमा सहयोग गर्ने जनाउँदै विभागसँग एयर वे बिल मागेको थियो । विभागले एयर वे बिल पठाएपछि हङकङ भन्सारले कुनै जानकारी नदिएको महानिर्देशक पौडेलले जनाए ।

प्रकाशित मिति: आइतबार, साउन २१, २०८०  १३:३३
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro