अर्थ व्यवसाय
![पेट्रोल र डिजेलको मूल्य बढ्यो, ग्यासको घट्यो](https://12khari.top/uploads/posts/Gas-Petrol-diesel1690195064.jpg)
काठमाडौं । नेपाल आयल निगमले पेट्रोल, डिजेल र मट्टीतेलको मूल्य बढाएको छ भने ग्यासको मूल्य घटाएको छ ।
निगमले मंगलबार राति १२ बजेपछि लागु हुनेगरी पेट्रोल, डिजेल र मट्टीतेलको मूल्य स्वचालित प्रणालीअनुसार बढाएको हो ।
खाना पकाउने एलपी ग्यासको मूल्य भने प्रतिसिलिण्डर १३० रुपैयाँ घटेको छ । भारतबाट नयाँ मूल्य आएलगत्तै निगमले स्वचालित प्रणालीअनुसार मूल्य समायोजन गरेको जनाएको छ ।
पेट्रोल प्रतिलिटर ९ रुपैयाँ तथा डिजेल र मट्टितेल प्रतिलिटर सात/सात रुपैयाँ बढेको छ । अब काठमाडौं उपत्यकामा पेट्रोल प्रतिलिटर १७३ रुपैयाँ तथा डिजेल र मट्टितेल प्रतिलिटर १५३ रुपैयाँ पुगेको छ । ठाउँअनुसार मूल्य फरक फरक छ ।
![Global Ime bank](https://baahrakhari.com/uploads/bigyaapan/30885600.gif)
हवाई इन्धनको मूल्य भने हाललाई यथावत् राखिएको छ ।
प्रकाशित मिति: मंगलबार, साउन १६, २०८० २१:०५
प्रतिक्रिया दिनुहोस्