काठमाडौं । सत्तारूढ दल नेकपा (माओवादी केन्द्र)का केन्द्रीय सदस्यहरूलाई फिल्डमा खटाउने तयारी गरिएको छ ।

आज प्रधानमन्त्रीको सरकारी निवास बालुवाटारमा बसेको पार्टी पदाधिकारीको बैठकबाट यही साउन १७ गतेदेखि सुरु हुने केन्द्रीय कमिटीको बैठकमा सो प्रस्ताव लैजाने निर्णय गरिएको हो ।

“केन्द्रीय नेताहरू सबै सहरकेन्द्रित जस्तो भयो, अब फिल्डमा पठाउने तयारी भएको छ,” सचिव दीनानाथ शर्माले बाह्रखरीसँग भने, “उसले संगठन निर्माणमा कतिको भूमिका खेल्छ ? त्यसको मूल्यांकन हुन्छ ।”

जनताका बीचमा घुलमिल हुन, संगठन विस्तारका लागि नेताहरूलाई फिल्डमा खटाउन लागिएको नेताहरूले बताएका छन् ।