site stats
बाह्रखरी :: Baahrakhari
अर्थ व्यवसाय
Global Ime bankGlobal Ime bank
Nabil Bank Banner adNabil Bank Banner ad
अवैध आयात रोक्ने पहलमा उद्योग संगठनको ऐक्यबद्धता
Tiktok banner adTiktok banner ad

विराटनगर । उद्योग संगठन मोरङले भारतको जोगबनीबाट साउन १ गतेदेखि राजस्व छलेर सरसमान ल्याउने प्रवृत्तिमा कडाइ गर्न विराटनगर महानगरपालिकाले लिएको अगुवाइको स्वागत गरेको छ । खुला सिमानाबाट राजस्व छली हुने आयातलाई कडाइ गर्ने कार्यप्रति उद्योग संगठन मोरङले पूर्ण समर्थन गर्दै ऐक्यवद्धता जनाएको हो ।

गैह्रकानुनी रुपमा हुने आयातका कारण स्वदेशी उद्योग व्यवसाय धरासायी बन्दै गएकोमा महानगरको यो प्रयासले स्वदेशी व्यापार व्यवसाय विस्तारमा मद्दत पुग्ने संगठनका अध्यक्ष राकेश सुरानाले बताए । विराटनगरको बजारलाई गुल्जार बनाउँदै विराटनगरको औद्योगिक पहिचानलाई अक्षुण राख्न महानगरपालिकाले गरेको प्रयास प्रशंसनीय रहेको अध्यक्ष सुरानाले सुनाए ।

जोगबनी भन्सार क्षेत्र मात्र नभएर ६३ किलोमिटर लामो खुला सिमाना भएकाले सबैतिरबाट हुने गैह्रकानुनी ओसारपसारलाई निरुत्साहित गर्नुपर्नेमा संगठनले जोड दिएको छ । यसरी आउने बस्तुसँग प्रतिस्पर्धा गर्न नसकी स्वदेशी उद्योग व्यवसाय मारमा परिरहेको अवस्थामा महानगरको यस प्रयासबाट स्वदेशी उद्योग व्यवसायलाई राहत पुग्ने संगठनको ठहर छ ।

सुरानाले भने, “अवैध तथा गैरकानुनी तवरबाट नेपाल प्रवेश गर्ने वस्तुले सरकारको राजस्व र स्वदेशी बजारमा नकारात्मक प्रभाव परिरहेको छ । यस्तो अवस्थामा स्थानीय प्रशासन, सुरक्षा निकाय, उद्योगी व्यवसायी एवं सबै सरोकारवालाहरुले साथ सहयोग र समर्थन गर्नु पर्दछ ।”

NIBLNIBL
प्रकाशित मिति: शुक्रबार, असार २९, २०८०  १९:०३
worldlinkworldlink
प्रतिक्रिया दिनुहोस्
national life insurance newnational life insurance new
Ncell Side Bar LatestNcell Side Bar Latest
Bhatbhateni IslandBhatbhateni Island
Hamro patroHamro patro