काठमाडौं । समाजवादी मोर्चाले गठन भएपछिको पहिलो बैठक बोलाएको छ ।

शनिबार (भोलि) अपराह्न ४ बजेका लागि बोलाइएको बैठक नेकपा (एकीकृत समाजवादी)को केन्द्रीय कार्यालय आलोकनगरमा बस्ने छ ।

प्रमुख प्रतिपक्ष दल नेकपा (एमाले)ले प्रधानमन्त्री पुष्पकमल दाहाल 'प्रचण्ड'को राजीनामा मागिरहेका बेला समाजवादी मोर्चाको बैठक बोलाइएको हो । बैठकले आगामी रणनीति तय गर्ने देखिन्छ ।

एमालेकै अडाका कारण प्रतिनिधिसभाको बैठक सरिरहेको छ । संसद्‍को अर्को बैठक आइतबारका लागि तय गरिएको छ । अर्कोतिर सभामुख देवराज घिमिरेले भोलिसम्म सहमति खोज्न दलहरूलाई आग्रह गरेका छन् । 

मोर्चा घोषणा सभामा प्रचण्डले समाजवादी मोर्चा 'प्रतिगमनकारी विरुद्धको युद्ध' घोषणा भएको बताएका थिए ।

असार ४ गते नेकपा (माअ‍ोवादी केन्द्र), जनता समाजवादी पार्टी (जसपा) र नेकपा (एकीकृत समाजवादी) र नेत्रविक्रम चन्द्र नेतृत्वको नेपाल कम्युनिस्ट पार्टी (नेकपा) सम्मिलित समाजवादी मोर्चा घोषणा गरिएको थियो ।